اجمل الاشعار الرومانسيه الغراميه

يعلمني زماني دروس وانسه
وراح الچان الي بدنياي ونسه
تگلي اترك هوانه دوم وانسه
شلون انساك وانته الزاد اليه .

طبعآآآ هذا رد على ابو زهراء
.........

شمع شخصك شهب شعشع شمايل
شمع شايل شبه شامت شمايل
شمل شترك شجافيكم شمايل
شعوفنكم شمايلكم شجيه

بعتني و اني احبك و انت شاري
حبيبي انت شهرتي و انتشاري
على يا قبله ذبحتني و انت شاري
و حتى بسم الله ما سمه عليه

هلا يل مانساك الكلب مرi
وصدك كل ليالي اجفاك مرة
شيضرك بالحلم لو تمر مرة
عزيز انت وتضل غالي علية

زمان الجان يزهي كبل مادام
وبجيت عله الخدود الروح مادام
عكبهم كلت اسم الروح مادام
مشوا عني بعد جا شلي بيه؟

سكيت عقول ناسي مي ديانة
وما احب هاي الاسامي مي ديانا
احب الي تكول ميديا انه
واكلها هذا اسمج عم عليه

هذه الابوذية للشاعر سعد محمد الحسن
الحلو ردنا يجينه بس ميانه
و ابد ما ردنه كوه بس ميانه
اريدن طابو كلبك بأسمي انه
عقار اسحب عليه و ابني اليه

بعد ما اغزل الغيرك ولا حوك لئن لاردي اليستاهل ولا حوك غشيم وصوبوك انتة
ولاحوك معدل بالحجي صاير علية

صرت مرهون حبك ونت راهن
اوتعال وشوف هجرك ونت راهن
يجي يوم ان توجه ونتراهن
منو اكثر ايحب ويود خويه

كظاني بسيوفه وعيوني تراهن
وكصه بيه وعلى جروحي تراهن
اكله انساك ويكلي انتراهن
انته تموت بس تبعد عليه

كلبي ما فرح عكبك ولا سار
وجدمي ما خطا الغيرك ولا سار
اخبرك ما بقت كلمه ولاسر
فضحني الشوك والحب مو بديه

ألف دنياي كلها~.ماتلفني.~
عنيد وغير شخصك~. ماتلفني.~
عمت عين المنايا~.ماتلفني~.
اهز دنيه ومره تلعب عليه

لوه ايدي حبيبي اشلون لويا
وجنت افرشله روحي ابساط لو..يا
"زاي"القصرت وياك لو"يا"
ولونها"الدال"احذفها بديه

أنة ألشديت جرحك ليش حليت
عليـة وحلـة ألطـلاب حليت
ذكرتك بأمتحاني وغلط حليت
شجاوب وأنت شاغل حتى أدية
ا

لاذ بكلبي شوكك وانتقل بي
صعد للراس حبك وانتقل بي
احب اشلون غيرك وانته قلبي
وانه بكلبي احبن مو بديه

جفي للمشو بالليل يوماي
واكضي شلون من ترحون يوماي
نزل علخد سواد العين يوماي
يوهي اثنينهن طاحن سوية
ا

البدر زور صفاتك وانتحلها
واعرفت ايام هجرك وانتحلها
وعليك اعرض قضيتي وانت حلها
وانصف لو ردت تحكم عليه

على حبك باب الكَلب سكّر
يالتنكَط مسك شفتك و سكر
حقك لو تصاب بمرض سكر
إذا كلك عسل و محير البرية

يهل تنشد لحالي حالفاني ....
وبس الحزن بعدك حالفاني ....
ابد ما احب غيرك حالف اني...
وجدت روحي الك بثنين اديه ....

عيوني ماترى لغيرك(تراباك)
زين ومن اصل طيب(تراباك)
طينك اخذ من يوسف(تراباك)
اكص بيدي لون تمر علية

طعم طيبك يغالي عسل وي جوز
ومنك مايتوب الكلب و يجوز
تريد انساك بس بالموت و يجوز
تلمنه الاخره ونرجع سويه

أحبكـ مو لاجل حسنك و مالك
و الحب حلال برأي حنبل و مالك
إذا انت غزالة بلاية مالك
شلون تريد اعوفكـ من ادية

زلازل ماتهز كلبي ..........ولعصار
وطحن ماأثر بحالي..........ولعصار
لجن حاله اصبحت عندي......ولعصار
تذوب الروح من تجبل عليه

وحك من نزل الايه ....وسنها
حلوة برصعه خدودها ...وسنها
الدنيا افرحت من حتي ....وسنها
بشاير طشت بصبح ومسيه

ذاب الكلب من بعدك .....حركته
وبين كل قهر حبك.....حركته
وكٌٌٌٌٌٌٌٌٌف هلكون من شافك....حركته
وطش النجم روحــــــه واهليه

منك ما يضوج الكلب .....ويميل
وعنك ما يزيغ النظر ....ويميل
اكطلعك مسافه متر....وي ميل
ولا اتعب واكول شلون بيه

بعد ماراح ارجعلك وردلاك
ودلوي لاتظن اذبنه وره دلاك
فرشت سنتين من عمري ورد لك
الجنيته اشواك منك والاذية

ياهالواضح ولا بين وهم بيك
بيك الليل بس اصفن وهم بيك
وبيك الحسن ميزة وهم بيك
حنين واحن من امي عليه

ياماحار كاسك شربته ياما حامي
ولاجلك ياما ادافع ياما حامي
قضيتي ياقاضي اليحلها يامحامي
احنا ثنين والعدوان مية

تهت مابين سكتنه وسكته
الهجرني بضيم رجعته وسكته
العمر خلصته بس نظرة وسكته
سكت وردت عيونك عليه .

الدمع ضل يفرك بخدي ودلك
ومشيت وياي ماتدري ودي الك
ياهو الجابك لگلبي ودلاك
تهت بس روحي الدور عليه .

يامن فاركت شملي وشملاك
اسمعنيوالحجي ايخصك وشملاك
اذا غيري وصل خدك وشملاك
حرام ايبوس خد الجان اليه

هلة يالابس الجوزي ويه ابيض
وانة من سنين ماشايف وية ابيض
يكاكي الديج لو شافك ويبيض
وتبوس جدام رجلك كل وطية

الگلب ضل بس اهو وحده ورباه
يتيم وماله واحد ورباه
منو مثلي اخذ جرحه ورباه
وكبرنه على القهر سوية .

احب صوتك واحب للعود دكات
وزماني شلون اله وياي دكات
وخلص كلبي وماظل بعد بيه دكات
وترد روحي من يمر اسمك عليه

نهض غمن جديد وغيم بالجو
تبشبش خاطري وافرحت بالجو
متى ما الصافات البيض يولدن بالجو
هــــــــذاك اليو تاننسه الاحباب

روحي من الصغر عالضيم ولعت
وبعد متحمل الجرات والعت
تذكر قبره للدلال ولعت
شبت من سكنت ارض المنية

يدنيا اش بيج بس تعلين وكري
تذبيني وارد النوب وكري
تعرفين بطرك بلور وكري
عجب سجيل همج بس عليه

وكًًًع كًًَُُـلبي بغرامك ماتشيلة
وترى كلبي التعذب مات شيلة
اخابر وانتة تسمع ما تشيلة
وينك يا حلو بس رد عليه

شبصرك بالاخذ عقلي وفر بي
وعمده على الجمر حطه وفر بي
ليش الافرح بجيته وافر بي
يحط بالضهر سجين بيه

اضل سنين اودك وانت غالي
بعت عمري واشتريتك وانت غالي
كل الناس ترخص وانت غالي
غلاتك اغلى من روحي عليه

هبة ربي وهديته وانت منه
صرت شريان كلبي وانت منه
خل احنه نتامل وانتمنه
نعيش احنه العمر كله سويه

الوادم تنظر لجسمي يروحاي
وانه موتاتني سكته يروحاي (جروحي )
ليش وبالعجل طحتي يروحي
خلص صبرچ يروحي وخنتي بيه .!!!

الترف بس مر يصاحب وله عانه
ويذب ناره علروحي وله عانه
حرت اسكن حديثه وله عانه
تهت وبهيت اصلي والرمادي
وحلات الشعر لونه والرمادي
عماني الزمن بعدك والرمادي
وعلى البغدادي اكتب راوي اني
وعسل من شفته ينبع راوي اني
سئلته منين نسلك راوي اني
جمال البيه صدك من حديثه
وتطيب الروح صدك من حديثه
بحديثه الشعر لكتب من حديثه
واظل للموت ما انسه الفلوجه
وتهيم الروح وتعضعض فلوجه
تطش ورود ارضهه ولفه لوجه
ويشع النور من الخالديه
شمقدم الهه حسن خالديه
على الانبار اموت وخال اديه
اداوي جروح اهل العامريه
وشيل العا جميله العامريه
زمان المر علينه عامرايه
وصب للضيف عيني وقائم انه
وتشافي جروح علتي القائم انه
الكرم صنتي بحقيقه وقائم انه
وحلاتج ظل اثر بشفافي رطبه
والج معنى من اقدم الباء رطبه
يلوك عليج كحل العين رطبه
ويعمرج مثل زهرة وحب نيه
ويبط الجبد كلم حب بنيه
شحلاتج يالرمادي وحبانيه
انا الانباري حتى بلا هويه

أنا دلولي نحر بيا البــين يسعى
ثقل همي ولالي صـــدر يسعى
اليغص بالزاد أهو للماي يسعى
وانا بالماي اغص أشــــنون بيه

جرى دمعي على خدودي مراحل وبعد حبك بدلالي مراحل اذا ناوي الهجر ابدي مراحل
مو غفله وتقفل جهازك عليه

اهداء الى حبيبـي الغاليه نور
سفن شوكي مشن بشطوط ونهــــار
ونفذ حتى صبرها الروح ونهــار
احن الشوفتك كل اليل ونهـــار
اتمنه اشوفك واحجيلك البيـــه

اشبدة مني وشخصك علي ..ما طال
وحبل مواصلك وياي .. ما طال
دليلي ويا الصبر بجفالك .. ما طال
مثل روح التماطل بالمنيــــــــة

صرح للحب اريد ابني .... وقلعة
واشيل الحزن من كلبك .... وقلعة
احب بغداد والبصرة ..... وقلعة
واحب كلمن سكن بالناصريــــــــــــة

سمر واملح وجهنا مالمعن
اوكتنا شبيه يضدنا مالمعنا
حبيبي النضر عكبك مالمعنا
شيفيد الشوف من تبعد علية

لشاعر الحب محمد رحيمة الطائي .
الدنيه سيوف بضلوعي سنته
وقوانين التعب لجلي سنته
الوادم تحتفل بآخر سنته
وانه ابچي على العمر الراح من اديه .

بفراكك جمر ابجي ونيران
يل خدك يشع رحمه ونيران
تمنيت العراق انتا وانا ايران
وحدودك دوم فاتحهن عليه

طفح بالكيل حبكم من تراكم
وعليله اطيب صدك من تراكم
على مد البصر شوكي من تراكم
ويغطي ابعد بلاد على الوطيه000
يغطي الفرح والهم من تملها
وروحي وياك هامت من تملها
حكم بالموت تحكم من تملها
مشت وختارت دروب المنيه000
مشت بالهم تجاوب من سألها
وتظل الناس تسأل من سألها
لها بالخير مسعى من سألها
رغم كل الالم والهم عليه000
رغم كل الي لفاني من سحبكم
حزين وجفني غيم من سحبكم
انكطع بس بت بقالي من سحبكم
كطع هالروح وكليبي سويه000
كطع والروح طلعت من سلتها
وصبح فارغ عنبها من سلتها
شتظن ردت جوابآ من سلتها
تحبك لو تحط نارآ سريه000

أنه كلبي من لهيبالشوك منطر
وتضل عيني على البيبان منطر
شفت خدك عبالي الفجر منطر
كمت صليت من غصبن عليه

الدهر شتت شملنا بل الضعينه
ودليلي سيوف اميه بل الضعينه
وسافه الشمر يهدي بل الضعينه
وابو فاضل على الغبره رميه

يعباس استمع اعتابي ولاماي
غريبه وزادت بفراكك ولاماي
مهجه بل العطش تلهب ولا ماي
يخمد جمر لوعتنه السريه

كحل بالعـــين أحـــــــــبابي يحطون
أوياحربه أمسومره أبقصبى يحطون
ياليت أهلك أبجــــنب أهلي يحطون
نـــنام أثـنـيـــنا أونلتــــــــــف سويه

روى الزيتون من دمعي ولاراك
أوغيرك مانحل جسمي ولاراك
أخاف أطول غيبتكم ولاراك
وعند وصلك تدانيني المنيه

دمه دمع البيابي سال وانهات
عليك اكضي العمر حسرات وانهات
بهواك انه اعذلتني الناس وانهات
ما خذني الهوه غصبن عليه

أره جدامك عن الجيات كطعن
وسجاجين الهجر بحشاي كطعن
أنا الماجوز عن هواك كطعن
وانا بطرواك كل صبح ومسيه

صرت مصباح بيدك مارد انه
على ذلتك يخايب ماردانه
بكثر حبك يكلبي ماردانه
كلبي والجبد راحن بديه

حسنك معجزة يالغز ياسر
الرمش يكتل وذا ماكتل ياسر
نخيت الصاح صبرا" آل ياسر
يحفظك كون بحك عمار وسمية

السلام عليكم
سلام خاص الى الكونترول
آنه من الجرح ما خاف لو سال
يرى شامت واخاف شلون لو سال
سيفك بالجذب لعداي لو سال
علي هد واكولن هد اليه

يهل غامض ودادك ماتبينه
ونظل نترجه وصلك ماتبينه
عدل بينه وتهمنه مات بينه
الفرح مات ابجفاكم حزن بيه

امس وانه برغد نومي طفت بيك
مثل ما طايف بروحي طفت بيك
ابشرك نار البكلبي طفت بيك
واشعل شمع من يمر اسمك عليه

يصاحب من تماشي انسان كلبه
ودور بالأساس وشوف كلبه
اذا شفته اناني وبي كلبه
تجنب ماوره غير الأذيه

بسواد العين يسمر شفتك انه
وادوخ من اضوكن شفتك انه
بحبل جتفني حبك شفتك انه
شما فكه يرد يلتف عليه
ا

وراكم دوم امشي وانت جاري
اريدك دوم يمي وانت جاري
وني عليك اصلي ون تجاري
مستورد فقط خصيص اليه

يهل تنشد الحالي حالف اني
وبس الحزن بعدك حالفاني
وابد مااحب غيرك حالف اني
واجتف روحي الك بثنين ادية
واذا جتفها بيدك انتة حلها
وروحي تحب عشرتك وانتة حلها
لغز صارت محبتك وانتة حلها
دحلها بساع حتى تصير الية
ونصير احباب منك وانتة منا
وامل ماعدنا صدك وانتة املنا
شكد نحلم بشوفك ونتمنة
شجاك وبالوصل تكطع علية
احنا الما كطعنا بيوم وصلك
لان شخصل نعرفة منين واصلك
صيامك مايفيدك بعد وصلاك
لان دم بركبتك ضل الية
لاون ناسي الكتلني والدفني
وخذت بالعشك فني ودي فني
لون تدري انا شودي ودي افني
ديار اهلك هذيج العلوطية

وكع ميزاني من حملك ولك دك
وكلبي المايدك لاحــــد الك دك
جهازي اتصل من وحده والك دك
لان اثنينة نعزك سوية.

قفل حبك بكلبي سكراني
وماي لسان حلكك سكراني
ابشرك صار بية سكر اني
حلات شفايفك عمن عليه

دعيت الوكت يزهيلك ويسراك
ورفيجك انه في عسرك ويسراك
يمينك لو تعب وانشل ويسراك
يروحلك ركض وصيت اديه

جمد كلبي على بابك مو عجيبه
عجبته وكلشي غيرك مو عجيبه
تره السبع العجايب مو عجيبه
صفر وي كارثه فركاك اليه

الوكت تعبني والمصرف والايجار
والغيري الدهر منصف والي جار
الى صاحب ردت ودة والى جار
يواعدني يجي ومامر علية

سلطه وجاه الك يمي والك مال
كلبي ماعشق غيرك ولك مال
الله يساعد الراسب والاكمال
والناجح الف رحمة على ابية

فر الكلب من شافك وهلهل_
غاب الكمر بغيابك وهل هل_
اجيتك لشرب الشربت وهلهل_
وتبقى وياي مهما النفس بيه

بس امني 000
اكظي الليل احسب بس امني 00
ولا ساعة الليالي بس امني 00
ولك كافي يا زماني بس مني 00
بمرامك والتريدة صار بية 000000
من تاليفي تحياتي للجميع
شمس رعد السامر
ا

دمع عيني يحلو الطول هامل
شجاك الحبي يالمحبوب هامل
اذا فد ازعلك كول ها.مل
امل منك جذب يلعشت بيه
ا

اجيت ولجل عينـــــــك شاركتلك
وعله دموعي دليلـــي شاركتلك
بخت عنــــدي واحذرك شاركتلك
اشور بيك مــن تبعد عليـــــــــــه

اريد اكصد لعد كلبك وظــــيفه
واحط حبي على حبك وظيـــيفه
اذا هذا العشك صاير وظــــيفه
ما اطلع تقاعد للمنيه

الحزن لاجلك هويتة صار مني
وليالي هواي بعدك صارمني
شتريد الكلب؟ اخذة صار مني
اخذ شتريد بس ارجع الية.....

صخر ما اذوب بس كوة اذب لك
سكيتك وانا بيدي اكدر اذبلك
يكلبي انوب اذا تعشك اذب لك
نفط وبنار احركنك بدية 0000

السلام عليكم
شلونكم مشتاقتلكم وربي انشالله زينين انا اسفة بس جنا فاصيلن الخط وهسة
رجعت وانشالله اتواصل دائما وياكم 00000
صرت كلعود انا بكبرة ورفعة
مشيت وما دريت امشي ورى افعى
اذا شخصك يطيح اركض وارفعة
من اطيحن ليش ماتركض علية
0000000
بعلاقتنة منو الخربط وشر بك
وجنت بيدي اوكلنك واشربك
حقد شايل علي كلبك وشر بيك
وتخالفنة وحلم نرجع سوية
0000000
هاي الى علاووووووي الحلو
جبل ما الوذ والحب لوى اذاني
وحبيبي ارضى باذيتة لو اذاني
شكثر جف اعلة حبك لوى اذاني
اتوب وتالي ارد غصبن علية
تحياتي شمس رعد السامر

الكلب معلول ومأيس من شفاه
وعلى خدودي الدمع جاري من شفاه
على الراح وحرم شفتي من شفاه
وكطع حته بحلم ما مر عليه

حبايبنا

روح ابعيد عني......ولي يله
وعلي من السمه منزل ...ولي الله
حبك سم واجرعنه ....والي الله
وتدير السم بديك شلون بيه

طعم شفتك حبيبي عسل ...وي جوز
ومنك ما يمل الكلب ...ويجوز
يمر طيفك علي كل يوم ....ويجوز
يظل وياي لحد المنيه

شكراا لك ويعطيك الف عاافية

شكرا على المرور

شكرا لكن انا مقرأتش الموضوع كله لكن مشكور على تعبك

» اجمل اسم بلمنتدى
» اجمل ما قيل عن الحب
» اجمل ماقرات عن سيد الخلق
» اجمل ماقيل عن الحب
» اجمل صور و احلى لقطات رومانسية