عصبية زوجى لجنونيه

مساء الخير ..

أنا عضوة جديدة بينكم صحيح انا متابعة لكم لكن بصمت .. واتمنى تقبلوني بينكم وتفيدوني وافيدكم..

عندي مشكلة كبيرة لكن الحمد الله ما اردد غير الله يجيرني في مصيبتي ويخلفني خيرا منها ..

يا جماعة الخير : انا متزوجة لي سنتين وعندي طفل والحمد الله احب زوجي وهو يحبني ( صرت اشك في حبه ) الي يحصل بيننا زي اي بيت مشاكل عادية جدا وساعات تافهة لكن زوجي يكبرها مرا ويعصب ويقعد بالايام والاسابيع ما يكلمني مع اني اترجاه الين وصلت لطناش طبعا مع معاقبتي ( يشيل جهازي عني او مافي تلفزيون اوو مافي جوال يكسر شريحتي او كلها مع بعض حسب الحالة يعني كانه طالبته ) طبعا هذا العقاب لمن صار بيننا بيبي لكن اول كان يقفل علي غرفة النوم ويدخل لي الاكل .. طبعا كل هذا حسب الجنان الي يطلع في راسه غير الضرب باي شي في يده والله كم مرة ابننا يبكي لمن يشوفه بهذي الحالة .. طبعا انا كنت اوول ما تزوجنا اصرخ عليه وارد عليه بالكلام لانه يسب بعدين عرفت غلطي وصرت ما ارد عليه مع انه يوصلني لحد الجنون باستفزازه لي ( يفضل يسبني ويسب اهلي ويتكلم في شرفي ويترك اصل المشكلة ويتكلم في مشاكل قديمة انحلت واتصالحنا عليها ) هو ما انكر انه طيب جدا وقت روقانه جدا طيب ومافي منه .. بس لا عصب والله ساعات انه يصير اشياء اضايقه فعلا فيها لكن يكسفني بطيبته معايا ...اعرف انه طفولته كانت صعبة جدا ومر بظروف وهو كبير اصعب .. لكن انا كمان لي حق عليه انه يحترمني طالما اني محترمته وموفرلته سعادة في بيته ...

الي حصل قبل شهر ونص كان الاخ متنرفز من كلام حصل له خارج البيت وجاني وهو زعلان لكن من وقت ما عرفت وانا ادلعه زيادة يومين وصار انسان ثاني يحاول ينفرزني باي طريقة الين عصبني وطنشته شوي وقالي لا تشغلين التلفزيون الا على قنوات الولد .. راح ورجع لقاني مشغلة قناة طبيخ مافيها شيء .. عصب وثار وقالي قفلي قفلت .. راح هو الا الولد يبكي شغلت التلفزيون على قناة للولد ورجت للمطبخ لحقني والنار في عيونه كان بيدخل يدي في موية حارة وصار يرمي علي الكاسات حتى الولد جاء وانفجع وصار يبكي .. المهم جنان ويالله بوسي راسي وروحي اطفي التلفزيون رحت طفيته وانا متشنجة من الي حصل وولدي ما غار يبكي من الفجعة خرج للصلاة وهو يتوعدني انه راجع لي بالعقال فقررت اقفل الباب وناديت امه وحكيتها قالت لي انا افتح له قلت لا والله ما يدخل الا مع ابوه انا صرت في حالة مو اول مرة يبهدلني هذه البهدلة وكل مرة اسكت له .. جاء وقعد يدق ربع ساعة لحد ما جاء ابوه لاني كلمته .. الاخ بدل ما يفوق لحاله الا عاند وكابر واتهمني انه ما يشوفني اصلي وهو اصلا عارف اني انسانة ملتزمة واخاف ربي ويقولي انه محظوظ فيني وفي اهلي وصار يتكلم ويسب فيني وفي اهلي .. المهم خرج ابوه بعد الجنان وقالي لا تشغلي التلفزيون قلت طيب وابشر ... قعدت اسبوع معاه وهو لا طلبات بيت ولا تلفزيون ولا كبيوتر ولا جوال .. والله حالة كاننا في معسكر

طلبت منه يوديني عند اهلي قالي اقعدي كملي عقابك وحتى لو رجعتي راح تكمليه وانا لازم ادمرك وكلام والله ما يقوله عاقل ( حتى اهله معترفين من هالناحية ) مر اسبوع على قعدتي عند اهلي كلمه الوالد وصار يتعابط معاه واني انسانة ما يشوفتي اصلي ( طيب ولده كيف يعرف يركع ويسجد وهو لسة السنتين ما كمل ) قاله بابا يعني ما تصلح لك قال لا فيها خير فيها خير .. المهم بعدها باسبوع كمان انا كلمته قالي لازم ابوم يعتذر مني وانا ماني جايك الا بالخيزرانة عشان اضربك لو ما شفت صلاتك ... تركته كمان اسبوع بعدين كلمته الولد مشتاقله ويسأل عنه دقيت ما يحس قالي بجيك بالخيزرانة قلت تعال وانا باذن الله ما احوج نفسي لها ....

المهم كملنا شهر واكثر ... الاان قريب ابوه واهله كلمه قال لهم ماني رايح لها الا بعد العيد ... كلمته قلت ايش هذا الكلام قال كذا انا ما ابغى اعيد ولا حتى على امي وابوي وراح اقعد مع الجني حقي ... وماني جيك الا بعد العيد .. وارسلي مصروف لي ولولده ..\

بالله ايش الحل مع هذا الادمي ..... اتركه ولا اطلب طلاقي .. ولا كيف الحل مع شخص ما يننسى الاساءة قال زعلان عشان اشتكيته على امه وابوه .. طيب هو الي جبرني وياما رفع على اهلي السماعة واشتكي مع اني مو مسوية الكبير ..

بالله احد يفيدني ولكم كل الشكر .